Dede Prenga: Zgjidhja diplomatike për luftën në Ukrainë ende larg

Gjenerali Dede Prenga, në një program televiziv, analizoi marrëdhënien midis situatës në terren të luftës në Ukrainë dhe kërkimeve për një zgjidhje diplomatike. Prenga theksoi se zhvillimet në front nuk janë të sinkronizuara me vendimet që merren në tavolinën diplomatike.

Sipas raportimit të ABC News Albania, Prenga nënvizoi se, pavarësisht negociatave të nivelit të lartë, nuk është arritur ndonjë përparim konkret drejt zgjidhjes së konfliktit, duke shtuar se procesi diplomatik vazhdon në një strukturë shumë komplekse. Ai shprehi bindjen se takimi në Alaska mund të jetë përcaktues për të ardhmen e negociatave, ndërsa vlerësoi si shqetësuese ndryshimet në qëndrimet ndaj Ukrainës.

Duke vlerësuar se Ukraina nuk ndodhet në një pozicion të barabartë për të përcaktuar vetë kushtet e zgjidhjes, Prenga u shpreh: "Duke parë realitetin në fushën e luftës dhe diplomacisë, fatkeqësisht diplomacia nuk është në përputhje me zhvillimet në linjën e frontit. Besoj se palët sillen me shumë kujdes në takimet në nivel diplomatik. Fakti që këto takime nuk kanë prodhuar asnjë rezultat konkret tregon se procesi do të vazhdojë në këtë mënyrë. Jam i bindur se në takimin në Alaska u përcaktuan pikat kryesore për mënyrën se si do të ecin negociatat. Megjithatë, veprimet dhe qëndrimet ndaj Ukrainës po ndryshojnë dhe Ukraina nuk është në një pozicion për të vendosur shenjën e barazisë. Le të shpresojmë që takimi i parashikuar pas zgjedhjeve të realizohet dhe që paqja të arrihet më në fund para dimrit. Të dyja palët janë bërë të varura nga njëra-tjetra jo vetëm në aspektin e humbjeve ushtarake, por edhe atij ekonomik."

Burimi: ABC News Albania