Arabia Saudite lehtëson vizat për kosovarët

Qytetarët e Kosovës tani mund të përfitojnë nga viza elektronike ose viza në kufi për udhëtimet turistike në Arabi Saudite. Ky ndryshim hyri në fuqi pas vendimit të autoriteteve saudite për thjeshtimin e procedurave të vizave.

Sipas raportimit të Kosovaport, Ministria e Punëve të Jashtme dhe Diasporës njoftoi se vendi u ngrit nga Grupi B në Grupin A në listën e shteteve, qytetarët e të cilëve përfitojnë nga këto lehtësira. Ministria theksoi se ky rregullim është një hap pozitiv që do të forcojë bashkëpunimin dhe marrëdhëniet midis Kosovës dhe Arabisë Saudite.

Në deklaratë u theksua se zbatimi i ri i vizave shërben për qëllimin e lehtësimit të udhëtimeve të qytetarëve të Kosovës.

Burimi: Kosova Port